| shirley's profileTHE NEW LIFE IN NEW YORKPhotosBlogLists |  Tools  Help |
THE NEW LIFE IN NEW YORKTHE AMERICAN DREAM STILL WORKS. |
||||||||
|
June 13 无脑其实我都唔明点解我会中意个甘既人,
但系我真系好中意个甘既人.
嗯... 好似有D"爱情"feel了...
翻到来GZ, 发生左D野. 跟住又睇左D野.
然后, 发觉自己真系巨无脑!! 系巨无果只!!!
不过林翻起身, 无脑既日子, 都算过得无忧无虑, 至少, 自己想点就点, 咩都唔洗用脑.
以后有脑既日子, 会辛苦好多咯...
不过, 无脑既话, 虽然自己好happy, 但系, 身边既人会好痛苦吖! 唉, 仲细咩! 原来我一直都好自私吖....
我唔想我care既人甘辛苦吖, 所以, 我要告别无脑既日子啦.
希望, 我做到被期望既野啦~
寻日系CYD 既farewell. 大家都变左啦. 成个过程无咩离愁别绪. 中途讲翻起好多好多以前高中既童年趣事. 咩老师吖, "反面教材"吖, 同学仔既去向吖,...... 席间, 因为讲起某几件我从来都未听过, 但又确实发生过既事, 而笑到一发不可收拾.
笑完之后, 我反省左下~ 点解我仲可以笑到成个高中生甘呢? 系米一直都无成熟过呢? 而成熟系米又要满怀心事, 就算有好好笑既野, 都只系轻轻地一笑置之, 先为之成熟呢? 其实问呢D问题, 本身就已经巨无脑啦.......
唉, 真系仲细咩....
"原来我非不快乐, 只我一人未发觉" April 09 就这样各散东西了吗？一打开QQ，收到CYD同阿米既留言。为CYD开心既同时，好不舍啊。然后系发现，今个夏天，可能见唔到阿米。
然后我开始胡思乱想了。想像没有CYD既聚会，会有几冷场；想像没有CYD既广州，会有几寂寞；想像没有CYD既K房，就算有Eason既岁月如歌，我依然会很无趣；。。。。。。 然后，愕然发现，原来CYD一直系我地7班既灵魂人物！
然后我继续胡思乱想，想像今个暑假翻去，可能见唔到Jummie；想像没有Jummie既上下九以及地王；想像没有Jummie既陪同，我如何可以做一个购物狂既女人，马不停蹄地行9个钟；。。。。。。原来，我真系好挂住阿米！
然后我继续继续胡思乱想了。想像可能下年，某某又出国了，然后某某又又出国了。
唉～唉～唉～。。。。。。
我真系好想同你地去旅游！！就算你地再迫我玩多次超级大摇摆！就算你地继续好无聊甘话我同戴同学好似样！
唉～唉～唉～。。。。。
唉～～～～～。。。。。
于是我继续继续胡思乱想，想像我地一班人几时再可以坐系一齐；想像CYD几时先翻去广州；想像几时再有机会同阿米行街；几时可以一齐去旅游；。。。。。。还未来得及和你们去动物公园走一趟（虽然我唔多想着翻6中既校服），还未来得及跟你们在某个新开发既景点再一次年少轻狂一番，还未来得及跟你们分享这2年在花旗国既喜怒哀乐酸甜苦辣，甚至，还未来得及见上你们一面。。。。。。
于是，我终于感受到送别既痛苦了。来美国既时候，系被送别既人，即使当时有几不舍，始终有一半既感觉，还是寄托于未知既新生活既期待与惶恐。4年前的，记不起了。只记得2年前的。上机既前一晚，陆续收到很多人的短讯啊。其中很多都很感动的。还记得那些祝愿，那些不舍，那些友情。。。。。。 以及上机前一刻收到某同学打来的电话话想喊，当堂有些许受宠若惊。今次，主角唔系我，要走既人唔系我。于是，我亲身感受到果种“被离弃”既感觉。出国既出国，外地实习既外地实习。。。。。。原来，还未待我来得及回到一个以为能令我们可以重聚既地方，你们已经向着不同既地方出发了。于是，我们又再次各散东西了，即使我再次回到了我们承诺相聚既老地方。
或者呢D就系人生。
不过，我相信，人既目光要放远D。其实，除了呢个暑假，仲有寒假，仲有下年暑假，。。。。。。
不多说了，送上心底的祝福，祝愿各位前程似锦吧！
我知道我地一定可以再坐系一张大圆台度，有讲有笑既！
We had joy, we had fun, we had seasons in the sun;
but the hills that we climbed,
were just seasons out of time.......
呢篇BLOG可能写得比较伤感，最近比较多愁又善感吧～
不说了，大家都要努力！！无论何时何地，ZYY都会支持你！
March 26 低潮期太急，太快，太紧迫。。。
the world is always changing. if it doesn't change in accordance with your wish, you have to change yourself.
要记住一句真实的话：有成千上万的运动员纵使努力了一生，但到最后一个奖都拿不到。
要有信念。
多谢Kai； 多谢Jummie。 March 20 On the Road题目较俗。
今日去左Jocob Javits Center参加CUNY Big Apple Job Fair.
记得上年差唔多都系呢个时候，参加既Baruch Internship Fair，呢个系我人生第2个Job Fair. 积累左internship fair既经验，抱住唔会有咩收获，只系去锻炼下既心态去参加。参加之前，一D都无紧张，但系直觉习惯性同我讲，我应该好紧张。于是，我就紧张起来。但系我个脑同我讲，“都唔知紧张D乜！”
今日一起身，落大雪！！！ 事前无论天气预报或者乜，都无话过会落雪。见到D甘既情景，当堂吓亲～ 都唔知个天系度考验紧我地CUNY D 学生，定玩紧我地CUNY D 学生。。。 不过，我都无理甘多，个心同我讲，呢个Job Fair 我一定要去！
草草练习左下self-intro.，着上西装，简单化左个极淡既妆，就出门了～ 出门既时候，依然落紧米仔雪。。。
搭subway既时候，习惯性地睡着左。不过今次仲劲D, 由36th St 训到Grand St，我林可能都训左15分钟。
唔洗一个钟就落车了。然后顶住冷风和细雪，由8th Ave 行到 11th Ave。途中既建筑令我觉得好似去左山卡啦地方。不过 Javits Center 比较像样既外貌，令我一睇就知道我来到目的地了。
入到 Javits Center, 正对面有一好大既banner，上面写住：CUNY Big Apple Job Fair。甘我知道我无去错地方了。
跟住先去restroom整理左下，再花左$3 安置好大衣，就入场了。
拿出ID证明自己系CUNY 学生，拿左袋资料，再系工作人员既指示下，兜左个大kua，就去到registeration booth了。俾左份resume，听左距good luck, 讲左句thank you. 又比工作人员指示方向了。
终于入到现场。我竟然好惊！顶。。。
匆匆明确目标单位既所在地，就四围巡视左下。但系，我依然好惊！
不过，我始终都系战胜左好惊既心魔。
我先稳左个比较无关紧要既company 做练习。点知，原来距更加觉得我无关紧要。。。不过，始终系开始。
之后，就不断向目标单位进发。一有空位就xip。一见少有排就马上上队。几次之后，就唔惊了～ 只系手臂因为拿袋，比较累。
经过2个钟之后，目标单位几乎都被我攻陷了（除左某几时条队都系超长既银行之外）。
2点几出来，已经好饿了。稳左间McDonald's，发泄左一下食欲。期间，我由2楼既窗口位，见到好多拿住袋系Job Fair拿翻来既袋，我就知道，距地都系同我一样，系同一个地方出来；又见到好多着住西装，拿住个portfolio，向住Javits Center方向行走既人，我就估计，距地大概都系同我刚才一样，向住同一个目的地进发。我好高兴见到距地。虽然我唔识距地，但系我感受到一种“共勉之”既感觉。
总结：今日都过得几有意义。锻炼左自己，大概知道自己既价值，更加清楚自己既不足；同埋，仲有D意外既收获！
系啦，系Job Fair 出来既时候，雪已经停了。太阳很灿烂地照射着大地。感觉，佳。
前进前进前进进。 |
|||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
